ҚР Ұлттық банкі жалпы халықаралық резервтерінің жылдық өсімі бойынша 5 жылдық рекордқа қол жеткізді
АСТАНА. ҚазАқпарат - ҚР Ұлттық банкі жалпы халықаралық резервтерінің жылдық өсімі бойынша 5 жылдық рекордқа қол жеткізді, деп хабарлады ranking.kz.
«2014 жылдың қаңтар-қараша айларында оның көлемі 16%-ға, 28,6 миллиард долларға дейін көбейген», - делінген хабарламада.
Сондай-ақ 2013, 2012 және 2011 жылдары алтын-валюта резервінің көлемі тұрақты түрде азайғаны атап өтілді. 2012 жылдың сәуірінен 2013 жылдың қазанына дейін жалпы халықаралық резервтер көлемі шамамен бір жарым есеге - 35-тен 23,7 миллиард долларға дейін кемді.
