ҚР Волейбол федерациясы мен "Самұрық-Қазына Астана" корпоративтік қоры арасында демеушілік көмек туралы келісім жасалды

АЛМАТЫ. Қыркүйектің 15-і. ҚазАқпарат /Ерлік Ержанұлы/ - Кеше Астана қаласында ҚР Волейбол федерациясы мен "Самұрық-Қазына Астана" корпоративтік қоры арасында демеушілік көмек көрсету туралы келісімге қол қойылды,

деп хабарлайды ҚазАқпарат Федерацияның баспасөз қызметіне сілтеме жасап.

Келісім бойынша демеуші тарапынан бөлінген қаражат елде волейбол спортын дамытуға бағытталады. Ол классикалық және жағажай волейболы құрамаларының оқу-жаттығу жиындарына, сондай-ақ олардың түрлі халықаралық жарыстарға қатысуына жұмсалмақ.