Краснодарда жолаушылар ұшағының есігі дұрыс жабылмай, әуе кемесі апатты жағдайда қонды
АСТАНА. 3 ақпан. ҚазАқпарат - Мәскеуге ұшып шыққан Boeing жолаушылар ұшағы Краснодар әуежайына апатты жағдайда қайта қонуға мәжбүр болды.
Бұл туралы ресейлік БАҚ хабарлауда.
Ақпараттарға қарағанда, ұшақ әуеге көтерілгеннен кейін 2 минуттан соң, салон есігі дұрыс жабылмауы салдарынан ұшқыш кабинасындағы апаттық дабыл іске қосылған. Осыдан кейін экипаж әуежайға оралуға шешім қабылдады. Оқиға себептері анықталуда, зардап шеккендер жоқ.
