«Кремль кубогы» халықаралық турнирінде қазақстандық теннисші М.Кукушкин үздік бестіктің қатарына енді
деп хабарлайды ҚазАқпарат.
Онда ақтық финалда сербиялық Янко Типсаревичтен 7:6, 0:6, 4:6 есебімен басым түскен жарыс қожайыны Михаил Южный жеңімпаз атанды. Ал жартылай финалда аттасы М. Южныйға 2:6, 1:6 есебімен есе жіберген қазақстандық М. Кукушкин украиндық Илья Марченкомен 3-4 орынды бөлісті. Жүлде қоры 2 миллион 80 мың 500 АҚШ долларын құрайтын бұл турнирде жекелей сында ерлер арасында үздік шыққан спортшыға 170 мың доллар беріледі. Ал екінші орын алған 91 мың доллар, 3-4 орынды алғандар 50 мың доллардан алады.
Қазанның 17-сі күні жалауын көтерген бұл дүбірді додаға Қазақстаннан ерлер арасында - 3, әйелдер арасында 3 спортшы қатысқан болатын. Олардың арасынан Юрий Щукин мен Сесиль Каратанчева іріктеу сындарында сүрінсе, Галина Воскобоева мен Ярослава Шведова бірінші, ал Андрей Голубев екінші кезеңнен өте алмады.