Криштиану Роналду Еурокубокта салынған голдардың саны бойынша жаңа рекорд орнатты
АСТАНА. ҚазАқпарат - Мадридтік «Реал» клубының шабуылшысы Криштиану Роналду 77-ші голды салып, Еурокубок ойындарында соғылған голдар саны бойынша жаңа рекорд орнатты.
Бұл туралы РИА «Новости» хабарлайды.
Бұл голды ол сейсенбі күні Чемпиондар лигасының 1/8 финалында немістің «Шальке» командасымен өткен кездесуде салды. Ойын Мадридте өткен болатын. Бұл көрсеткішімен ол бұған дейінгі рекорд иелері «Реалдың» бұрынғы ойыншысы Рауль мен «Барселонаның» даңқты шабуылшысы Лионель Мессиден озып кетті.
