Криштиану Роналду Еуропа чемпионаттары тарихындағы үздік шабуылшы атанды
АСТАНА. ҚазАқпарат - Футболдан Португалия құрамасының 29 жастағы ойыншысы Криштиану Роналду біліктілік матчтарын қоса ескергенде, Еуропа чемпионаттарының жалпы тарихындағы үздік шабуылшы атанды.
Жұма күні Португалияның Фару қаласында Euro-2016 іріктеу турнирінің Армения командасына қарсы өткен матчында Криштиану Роналду ойынның 71-ші минутында өзінің Еуропа чемпионаттарындағы 23-ші голын соқты. Сонымен бірге бұл оның ел құрамасындағы 52-ші голы еді. Португалия-Армения матчы 1:0 есебімен алаң иелерінің пайдасына шешілді. ФИФА нұсқасы бойынша 2013 жылдың үздік футболшысының есебінде барлығы 450 соғылған доп бар. Бес голды ол «Спортинг» (Лиссабон) үшін соқты, 118 голын - «Манчестер Юнайитед» үшін, ал 275 голын өзі осы күні ойнап жүрген «Реал» клубы үшін және 52-сін ұлттық команда үшін соққан екен, деп хабарлайды Интерфакс.
