«ҚТЖ» ҰК» АҚ Moody's ESG Solutions рейтинг агенттігінен ESG бағасын алды
Moody's ESG Solutions рейтинг агенттігі «ҚТЖ» ҰК» АҚ-қа 57 балдық (теориялық 100 балдын ішінен) ESG бағасын берді, бұл Moody's шәкілімен шамасы бойынша екінші балл болып табылатын «А2» тұрақтылық рейтингіне сәйкес келеді. Рейтинг бірінші рет берілді.
ESG-дің әрбір компоненті бойынша «ҚТЖ» ҰК» АҚ бағалары келесідей: экологиялық – 53 балл, әлеуметтік – 59 балл, корпоративтік басқару – 57 балл.
Берілген ESG бағасы Компанияның тұрақты даму саласындағы қызметінің тиімділігі жоғары екендігін куәландырады және Компанияның ESG факторларын өз бизнес-процестеріне ықпалдастыруға әзір әрі өте қабілетті екендігін көрсетеді.
«ҚТЖ» ҰК» АҚ «Moody's ESG Solutions» нұсқасы бойынша ең жоғары көрсеткіштері бар ТОП-25% компаниялар қатарына кірді.
«ҚТЖ» ҰК» АҚ тұрақты дамуға жоғары мән бере отырып, ESG факторларын өз қызметіне ықпалдастыру жұмысын белсенді түрде жалғастырмақ.
