Қуат Хамитов бразилиялық Тиаго Луиспен чемпиондық атақты сарапқа салады
АСТАНА. ҚазАқпарат - Аралас жекпе-жектен «Alash PrideKZ» нұсқасы бойынша әлем чемпионы атағы үшін болатын кездесуге екі апта қалғанда «Найман» лақап атымен белгілі Қуат Хамитовтың қарсыласы ауысып кетті.
Бұл туралы спортшы өзінің Instagram-дағы парақшасында хабарлады.
«Жекпе-жекке екі апта қалғанда менің қарсыласым ауысып кетті. Сонымен, «Найман» Қуат Хамитов -Тиаго Луисқа қарсы (Бразилия)», - деп жазады Қ.Хамитов.
Еске саа етсек, 23 қараша күні Алматыда аралас жекпе-жектен «Дала Батырлары» атты халықаралық турнир өтеді. Оған АҚШ, Бразилия, Франция, Литва, Тәжікстан және «Алаш Прайд» командасының спортшылары қатыспақ.
