Қуаттандырылып жатқан телефон бойжеткеннің өліміне себепші болды

АСТАНА. ҚазАқпарат - Доминикан Республикасында қуаттандырылып жатқан смартфонды қолына алмақ болған бойжеткен ажал құшты.

«Росбалт»-тың хабарлауынша, қайғылы оқиға анасының көз алдында болған.

18 жастағы Йоэльми Эрнандестің анасы жедел жәрдем шақырғанымен, дәрігерлер қыздың өміріне араша түсе алмады.

Анықталғандай, Эрнандес қолына телефонды алған сәтте токтың кернеуі күрт артып, құрылғының пластикалық корпусы балқып кеткен, ал бойжеткенді электр тогы соққан.