Куәйтте Сауда-экономикалық ынтымақтастық жөніндегі қазақстан-куәйт бірлескен комиссиясының отырысы өтті

деп хабарлады Қаржы министрлігінің баспасөз қызметінен.

Комиссияның қазақстандық бөлігіне - Қаржы министрлігінің жауапты хатшысы Наталья Коржова жетекшілік етсе, Куәйт тарабына - елдің қаржы министрінің орынбасары Халифа Мусаид Хамада басшылық етті.

Қазақстан делегациясының құрамына Қазақстанның Сауд Арабстаны Корольдігіндегі Елшісі Қайрат Лама Шариф, сондай-ақ мүдделі мемлекеттік органдардың, әкімдіктер мен ұйымдардың өкілдері кірді.

Комиссия отырысының ашылу рәсімінде сөз сөйлеген Н.Коржова ханым, қазақстан-куәйт қатынастарының біртіндеп дамып келе жатқанын атап көрсетті. Куәйт Мемлекетінің Қаржы министрінің орынбасары Халифа Мусаид Хамада мырза өз кезегінде, Қазақстанның қазіргі даму деңгейіне, республика Үкіметінің әлеуметтік-экономикалық бағыттағы ірі ұлттық жобаларды жүзеге асырудағы күш-жігеріне жоғары баға берді.

Бірлескен комиссияның қорытындысы бойынша нақты келісімдерге қол жеткізіліп, ол келісімдер комиссияның екінші отырысының хаттамасына негіз болды.