Кукушкин ATP Challenger турнирінің үшінші айналымына шықты
АСТАНА. ҚазАқпарат - Қазақстандық теннисші Михаил Кукушкин АҚШ-тың Ирвинг қаласында өтіп жатқан ATP Challenger турнирінің үшінші кезеңіне шықты, деп хабарлайды ҚазАқпарат тілшісі.
Екінші айналымда отандасымыз Тайваньдық тенисші Лу Яньсюнмен шеберлік байқасып, қарсыласын 6:2, 4:6, 6:4 есебімен қапы қалдырды.
Алғашқы айналымда отандасымыз жергілікті теннисші Денис Кудламен сайысқа түсіп, оны 4:6, 6:3, 6:1 есебімен ұтқан болатын .
