Құқық қорғау органдары қызметкерлерінің жартысынан көбі қарудан ату сынағынан өте алмады - А.Шпекбаев
АСТАНА. 24 желтоқсан. ҚазАқпарат - Аттестаттауға жіберілген құқық қорғау органдары қызметкерлерінің жартысынан көбі қарудан ату сынағынан өте алмады.
Бұл туралы бүгін Ақордада ҚР Президенті Әкімшілігі құқық қорғау жүйесі бөлімінің меңгерушісі Алик Шпекбаев мәлім етті.
«Әңгімелесуге жіберілген лауазымды тұлғалардың жалпы санынан жартысынан артығы - атудан, 22 пайызы дене шынықтыру даярлығы бойынша сынақтарды тапсырған жоқ. Әр оныншы қызметкер заңнаманы білуді тексеруге арналған тестілеуден өте алмады, 4 831 (5%) қызметкердің психологиялық орнықтылығының төмендігі анықталды», - деп мәлім етті А.Шпекбаев.
