Құлаған жарнама тақтасы мұғалиманың өмірін қиып кетті
АСТАНА. ҚазАқпарат - Қайғылы оқиға Пермь өлкесіндегі Лысьва қаласында орын алды. 9 қазанда шамамен сағат 16:00 Марина Банникова Пионерлер және оқушылар сарайының маңында жаяу жүргіншілер жолында келе жатқанда оған темір құрастырмалы жарнама тақтасы құлаған.
Жергілікті №1 лицейде сабақ берген 49 жастағы мұғалима алынған жарақат салдарынан оқиға орнында ажал құшты, деп жазды informing.ru.
