Құлалы аралындағы адам: Президент Телерадиокешені жаңа деректі фильм ұсынады
АСТАНА. KAZINFORM - Президент Телерадиокешені түсірген «Құлалы аралының адамы» деректі фильмі көрерменге жол тартады.
Фильм Каспий теңізінде шалғайда орналасқан Құлалы аралындағы гидрометеорологиялық станса бастығы Лупенков Петр Ивановичтың өмірі мен жұмысы жайында сыр шертеді. Бұл - экстремальды климат жағдайында отыз жылдан астам уақыт бойы қызмет етіп келе жатқан, сырттай арал қожайыны атанып жүрген аңыз адам жайлы тарих.
Көрермен метеорологтің күнделікті жұмысынан бірегей кадрларды тамашалай алады: әрбір үш сағат сайын деректерді жинау, ауа райы мәліметтерін жіберу, авиация мен теңіз кемелері үшін дауылды алдын ала ескерту. Петр Ивановичтың естеліктері призмасы арқылы оның жүріп өтуге мәжбүр болған сынақтар сыры ашылады: мүлдем оқшау өмір, байланыс жоқ және тамақ қорының аздығы. Ол 90 жылдары стансаны сақтап қалу, ғимаратты отынға бұзып алудан қорғау жолындағы жанқиярлық жұмысымен, жейтін тамақтан балық пен жабайы құстың еті ғана болған кездерімен бөліседі.
Петр Ивановичтың өмір, тарихы - кәсіби шеберлік жайындағы әңгіме ғана емес, сонымен бірге табиғатқа деген сүйіспеншілік, күнкөріс философиясы, мықты рух пен қарапайым қуанышты сәттер һақында. Фильмнің бас кейіпкері дәл сондай жағдайда балаларына тәлім-тәрбие беріп, кәсіпке деген адалдықты қалай сақтап қалғанымен бөліседі.
Фильм - өз ісіңе деген табандылықтың, жанқиярлықтың және адалдықтың шабыттандырар жылнамасы. Лупенков Петр Ивановичтың тарихы - еш қиындыққа мойымастан баршаның игілігі жолында өз жұмысын жалғастыра беретін кәсіпқойлардың маңыздылығын еске түсіреді.
Деректі фильм 1 наурыз күні сағат 18:30-да «Jibek joly» телеарнасының эфирінен көрсетіледі.
Айта кетелік «Куәгер» атты Президент Телерадиокешенінің жаңа деректі фильмі жарыққа шыққан еді.
