Құлсарыдағы тасқынға заңсыз салынған бөгет кінәлі ме

АСТАНА. KAZINFORM – Төтенше жағдайлар вице-министрі Бауыржан Сыздықов Үкімет отырысынан кейін өткен брифингіде Құлсарыдағы тасқын себебі туралы әңгімелерге пікір білдірді

«Әлеуметтік желіде Құлсарыдағы тасқынға әлдебіреулердің заңсыз бөгет салғаны себепкер болған дегенге саятын бейнелер қаптап жүр. Осыған байланысты тергеу жүргіздіңіздер ме? Нәтиже бар ма?» - деп сұрады журналист.

Вице-министр ондай ақпараттың тарағанын растады. Бірақ әлі тексеру басталмаған.

«Иә, ондай ақпараттар әлеуметтік желіде бар. Бүгінгі таңда ол жақта әлі тергеп-тексеру жұмыстары басталған жоқ. Қазір су кеткеннен кейін басталады», - деді Бауыржан Сыздықов.