«Күміс Еңлікгүл»: Қазақстандық таушаңғышы Мария Григорьева тағы да жүлдегер атанды
АЛМАТЫ. ҚазАқпарат- «Шымбұлақ» тау-шаңғы курортында тау шаңғысы спорты бойынша ерлер мен әйелдер арасында өтіп жатқан «Күміс Еңлікгүл» халықаралық турнирі аясында қыздар арасында алып слаломнан жарыс аяқталды.
Бұл жолы да жеңіс тұғырына Украина мен Қазақстанның таушаңғышылары көтерілді. Богдана Мацоцка алғашқы мүмкіндікпен-ақ (1:15.86) жарыстың көш басына шықты. Ал екінші талпыныста мәре сызығына 1:17.82 минутта жетті. Сөйтіп, 2:33.68 минуттық қорытынды уақытпен жарыс жеңімпазы атанды. Екінші орынға оның отандасы Татьяна Тикун көтерілді (2:35.77). Ал қазақстандық таушаңғышы Мария Григорьева үшінші орынды иеленді (2:39.04).
Отандастарымыз Екатерина Карпова мен Екатерина Черепанова төртінші және бесінші орындарды місе тұтты.
Бүгін турнирдің аяқталар күні алып слаломнан ерлер арасында жарыс өтеді.
