Күміс көліктің апаты 105 млн долларға айналды

АСТАНА. 15 қараша. ҚазАқпарат - Американдық суретші Энди Уорхолдың 1960-шы жылдардың басында жасаған «Күміс көліктің апаты» картинасы 13-ші қараша күні өткен Нью-Йорктегі Sotheby's және Christie's аукциондарында $105,45 млн. сатылды, деп хабарлады piter.tv.

Мамандар картинаны 60 миллион долларға сатылады деп болжаған болатын. Ал нәтижесі картинаның алғашқы бағасынан екі есеге артық болды. Уорхолдың картинасының ұзындығы 2,4 метр, ал биіктігі 4 метрден тұрады.

Белгілі суретшінің «Күміс көліктің апаты» картинасы төрт туындыдан тұратын «Өлім мен апат» сериясына кіреді. Қалған үш туынды АҚШ, Швейцария және Австрия мұражайларында сақтаулы. Энди Уорхолдың тағы бір "Кока-Кола" (1962 жылғы) еңбегі $57,285 миллионға сатылды.

Осылайша екі күннің ішінде атақты шебердің екі туындысы 163 миллион доллар табыс әкелді.