Күн райы: Астанада және 7 облыста ескерту жарияланды

АСТАНА. KAZINFORM – Синоптиктер 21 ақпан күні Астана қаласында және Қазақстанның жеті облысында ауа райына байланысты ескерту жариялады, деп хабарлайды «Қазгидромет» РМК. 

Осылайша, Астана, Қарағанды, Шығыс Қазақстан және Абай облыстарында сынап бағанасы 40 градусқа дейін төмендейді.

Батыс Қазақстан, Түркістан және Қызылорда облыстарында тұман түседі деп болжанды.

21 ақпан күні түнде Маңғыстау облысының басым бөлігінде, күндіз оңтүстік және шығыс аймақтарында көктайғақ болады.