Күн сайын Астана аулаларында 8 мың текше метр шамасында қар тазаланады
Мердігерлік ұйымдар тұрғын үйлердің ішкі кіру жолдары мен өтпелердегі мұз бен қарды тазалайды. Астана қаласының Алматы ауданы бойынша күн сайын 2500 текше метр, Есіл ауданында 4 мың текше метрден астам, Сарыарқа ауданы бойынша 1500 текше метрден артық қар шығарылады. Сондай-ақ, ұйымдар өздері орналасқан аудандар бойынша мектеп, балабақша және денсаулық сақтау нысандарының территориясында тазалық жүргізеді. Астана қаласының аудандары әкімдіктерінің ақпараты бойынша, қыс маусымы басталғалы бері Алматы ауданында 600 мың текше метр шамасында, Есіл ауданында 130 мың текше метрден астам, Сарыарқа ауданында 78 мың текше метрден артық қар тазаланған. 2013-2014 жылғы қар тазалау кезеңіндегі көрсеткіштер бойынша, Алматы ауданында 132 мың текше метр, Есіл ауданында 135 мың текше метр, Сарыарқа ауданында 105 мың текше метр қар тазаланған. Қаланың әрбір ауданында мердігерлік ұйымдар қар шығаратын арнайы полигон орналасқан.