«Кунг-фу панда-3» не себепті үш айға кешігіп шығатыны белгілі болды

АСТАНА. ҚазАқпарат - DreamWorks Animation студиясы «Кунг-фу панда-3» мультфильмінің премьерасын 2015 жылдың 23 желтоқсанынан 2016 жылдың 18 наурызына жылжытты, деп хабарлады Collider.

Бұл 2015 жылдың 18 желтоқсанында «Жұлдызды соғыс» («Звездные войны») киносының жетінші эпизодының премьерасымен байланысты.

Енді «Кунг-фу панда-3» прокатта «Жұлдызды соғыс» («Звездные войны») картинасымен емес, «Дивергент» екі бөлімді кинофраншизасының біріншісімен бәсекеге түспек.

«Кунг-фу панда-1» мультфильмі прокатқа 2008 жылы шыққан. Үздік мультфильм ретінде «Оскар» номинациясына қатысты және «Энни» анимациялық сыйлығына ие болды.