Күре жолдарды қар басудан қорғайтын жаңа технология сынақтан өтуде

None
АСТАНА. ҚазАқпарат - «ҚазАвтоЖол» ҰК» АҚ республикалық маңызы бар автожолдарда қауіпсіздік деңгейін арттыруға бағытталған іс-шаралар кешенін іске асыруды жалғастыруда, деп хабарлайды ҚазАқпарат.

«Мәселен, елімізде шығарылған жолдарды қар басудан қорғайтын заманауи қоршаулар сынақтан өтуде. Модульдік конструкция»Астана-Павлодар«республикалық маңыздағы күре жолының 24 шақырымында (Қоянды ауылы қасындағы көлік айрығынан кейін) орнатылды.

Жаңа «КТ-63» қоршауларының ең басты артықшылығы — олар коррозияға төзімді материалдардан жасақталған», - деп жазды ведомстводан.

Тиісінше, бұл қоршаулардың қызмет ету мерзімі де ұзағырақ. Темірбетоннан жасалған арнайы қоршаулармен салыстырғанда, бұл қоршауларды орнату оңай және техникалық қызмет көрсетіп, күтіп-ұстауды қажет етпейді.


Соңғы жаңалықтар
telegram