Күрестен әлем чемпионаты: Балуан қыздар сынға түседі
НҰР-СҰЛТАН. ҚазАқпарат – Бүгін елорда төрінде күрес түрлерінен өтіп жатқан әлем чемпионатының төртінші күні бозкілемде балуан қыздар арасында жарыс басталады, деп хабарлайды ҚазАқпарат тілшісі.
Атап айтар болсақ бүгін, әйелдер күресінен 50, 53, 55 және 72 келі салмақта іріктеу айналымдары өтеді.
Сондай-ақ, грек-рим күресінен ерлер арасындағы 67, 87 және 97 келі салмақ дәрежелерінде жеңімпаздар анықталды.
17 қыркүйек күнгі жарыс кестесі:
11.00-15.00 – әйелдер күресінен 50, 53, 55 және 72 келі салмақ дәрежесіндегі іріктеу айналымы;
11.00-15.00 - грек-рим күресінен 60, 77 және 130 келі салмақ дәрежесіндегі жұбаныш белдесулері;
16.45-17.45 - әйелдер күресінен 50, 53, 55 және 72 келі салмақ дәрежесіндегі жартылай финалдық бәсекелер;
18.00-20.30 - грек-рим күресінен 60, 77, 130 келі салмақ дәрежесіндегі финалдық белдесулер және марапаттау рәсімі.
