Құрғақшылық АҚШ-ты шыршасыз қалдырды

АСТАНА. 29 қараша. ҚазАқпарат - АҚШ-тың оңтүстігінде құрғақшылық белең алып барады. Соның салдарынан тұрғындар шыршасыз қалып отыр. Техас және Оклахомада арнайы екпелерде өсіріліп жатқан қылқанды ағаштардың 90 пайызы құрып кеткен.

Жергілікті фермерлер құрғақшылықтың салдарынан қаржылық мәселелерге тап болғанын айтып отыр. Ендігіде сатылымға шығаратын шырша жоқ. Техас және Оклахома тұрғындары шыршаны Канада мен елдің солтүстік штаттарынан сатып алмақ ниетте.