Құрлық әскерлері қауіп-қатерге төтеп бере ала ма
АСТАНА. KAZINFORM – Бүгін елімізді қорғаушыларды Отанына жанқиярлықпен берілген, оның қауіпсіздігін күзететін, табандылығы, батылдығы мен жоғары кәсібилігін үлгі ететін күн. Мереке қарсаңында Қазақстан Республикасы Қарулы Күштері Құрлық әскерлерінің Бас қолбасшысы, генерал-майор Асан Жүсіповпен әңгімелескен едік.
- Асан Қуанышұлы, еліміздің Қарулы Күштерінің үш құрылымы бар. Соның ең үлкені – Құрлық әскерлері. Құрлық әскерлерінің қалыптасу және даму тарихын қысқаша еске түсірсек.
- Құрлық әскерлері – Қазақстан армиясының басты соққы күші. Әскерлерді басқару сапасын арттыру және жаңадан құрылған қарулы күштер түріне тікелей басшылықты жүзеге асыру үшін Қазақстан Республикасы Үкіметінің 2009 жылғы 20 сәуірдегі қаулысы және ҚР ҚМ 2009 жылғы 21 сәуірдегі директивасы негізінде Қазақстан Қарулы Күштері Құрлық әскерлері Бас қолбасшысының басқармасы құрылды. Сол күні Астанада 12750 әскери бөлімі – ҚР ҚК Құрлық әскерлері Бас қолбасшысының басқармасы құрыла бастады.
Біздің әскер түрінің қызметінің негізгі мақсаты – басқару органдарының, құрамалардың, бөлімдер мен бөлімшелердің жауынгерлік әзірлігін тұрақты қолдау, жауынгерлік іс-қимылдарды жүргізу барысында әскер түрінің жауынгерлік әлеуетін пайдалануды қамтамасыз ету. Құрлық әскерлерінің негізгі күш-жігері тұрақты жауынгерлік дайындықты сақтауға, әскери басқару органдары мен әскерлерді жауынгерлік мақсатқа сәйкес міндеттерді шешуге дайындауға бағытталған.
Біз кез келген уақытта әскерлерді бейбіт жағдайдан әскери жағдайға ауыстыруға және жағдайды тұрақтандыру жөніндегі шешуші іс-қимылдарға дайын болуға дайындықты қамтамасыз етуге тиіспіз. Идеология және әскери-патриоттық тәрбие саласындағы мемлекет саясатын іске асыру жөніндегі жұмыс біз үшін де маңызды.
Осы міндеттерді іске асыру бірінші кезекте байланысты жедел және жауынгерлік дайындықпен, оның барысында басқару органдары, штабтар мен әскерлер жауынгерлік қолданудың ең тиімді әдістерін үйренеді.
- Құрлық әскерлерінің құрамы туралы айтып берсеңіз?
- Қарулы Күштердің басқа түрлерінің қарқынды дамуына қарамастан, Құрлық әскерлері басым және әлемнің барлық әскерінің негізін құрайды. Қазір еліміздің Құрлық әскерлері Бас қолбасшысының басқармасы құрамында 12 бас басқарма және 7 басқарма, төрт бөлім және 2 қызмет жұмыс істейді. Сонымен қатар Құрлық әскерлерінің құрамында «Астана», «Шығы», «Батыс» және «Оңтүстік» төрт өңірлік қолбасшылығы бар. Сондай-ақ тылдық және техникалық қамтамасыз ету құрамалары мен бөлімдері, С.Нұрмағамбетов атындағы Құрлық әскерлерінің Әскери институты және Ш.Уәлиханов атындағы Қорғаныс министрлігінің әскери колледжі бар.
- Құрлық әскерлері сырттан келетін қауіп-қатерге төтеп бере ала ма? Жауынгерлік дайындық деңгейі туралы не айтуға болады?
- Ел басшылығы мен Қарулы Күштердің күш-жігерінің арқасында Құрлық әскерлерінің жағдайы ықтимал қауіп-қатерлерге ден қоюға қажетті жауынгерлік дайындық деңгейіне сәйкес келеді. Соңғы жылдары әуе, ғарыштық шабуыл құралдарының рөлінің артуына қарамастан, техникалық жабдықталған Құрлық әскерлерінің дайындығы өзектілігін сақтайтынын көрсетіп отыр.
Қарулы күштердің ең көп және негізгі түрі ретінде құрлық әскерлерін дайындауға көп көңіл бөлінеді, олардың құрамында әртүрлі қару-жарақ түрлері бар және бірқатар міндетті орындайды. Шын мәнінде, бұл тек теориялық сабақтарды ғана емес, сонымен қатар ұзақ және ауыр жаттығуларды қамтиды, осы орайда жауынгерлік даярлық бағдарламаларын қайта өңдедік.
Сонымен қатар әскерлерді даярлау жеке құрамды жауынгерлік оқыту және тәрбиелеу, әскери кадрларды даярлау және бөлімдер мен бөлімшелерді жауынгерлік үйлестіру жөніндегі іс-шаралар жүйесін қамтиды. Дайындықтың негізгі түрлері жедел және жауынгерлік болып екіге бөлінеді.
- Құрлық әскерлерін қару-жарақ және заманауи әскери техникамен жарақтандыру қалай жүріп жатыр?
- Қазір Құрлық әскерлері қажетті қару-жарақпен және әскери техникамен жабдықталған, сонымен бірге БТР-82А, «Кобра», «Арлан» броньды доңғалақты машиналары сияқты заманауи әскери техникамен жоспарлы кешенді қайта жарақтандыру ісі жалғасып жатыр. Бөлімшелерді артиллериялық барлау құралдарымен жарақтандыру, яғни Т-72 танктерін, әуе шабуылына қарсы қорғаныстың жылжымалы басқару пункттерін және отандық кәсіпорындарында бақылау-тексеру машиналарын жаңғырту мәселелері де қолға алынып жатыр. Нарық мониторингі және техникалық жарақтандырудың баламалы жолдарын іздеу бойынша жұмыстар тұрақты бақылауда.
Құрлық әскерлерінің қару-жарақпен және әскери техникамен жасақталуы Қазақстанның аумақтық тұтастығы мен егемендігін қорғау, мемлекеттік және әскери объектілерді күзету мен қорғау, заңсыз қарулы құралымдарға қарсы күрес, сондай-ақ еліміз ратификациялаған халықаралық шарттарға сәйкес міндеттерді орындау бойынша қойылған міндеттерді шешуге мүмкіндік береді.
- Дала сарбаздар академиясы екені белгілі. Құрлық әскерлерінің жеке құрамы әскери міндеттерінен бөлек немен айналысады, қандай жетістіктері бар?
- Талдау нәтижесі көрсеткендей, соңғы бірнеше жылда Құрлық әскерлерінде жауынгерлік даярлықтың қарқындылығы бірнеше есе өсті. Құрлық әскерлері құрамалары мен бөлімдерінің әскери қызметшілері өздерінің практикалық дағдылары мен далалық дағдыларын жетілдіретін әртүрлі жаттығуларға, соның ішінде халықаралық ауқымдағы жаттығуларға үнемі қатысады.
Құрылған сәттен бастап Құрлық әскерлерінің әскери қызметшілері «Шығыс», «Батыл Тойтарыс», «Айбалта», «Көкжал» республикалық ауқымды оқу-жаттығуларымен қатар, «Бұзылмайтын бауырластық», «Бейбіт миссия», «Іздеу», «Казинд» секілді халықаралық өзара іс-қимыл шараларына белсенді қатысып келеді.
Сонымен қатар Құрлық әскерлерінің әскери қызметшілері Қазақстан аумағында және одан тыс жерлерде армияның халықаралық ойындарының түрлі конкурстарына тұрақты қатысады. Қазақстан Республикасы Қарулы Күштерінің Жоғарғы Бас қолбасшысының қатысуымен «Отан қорғаушылар» және «Жеңіс» күніне арналған әскерлер шерулеріне бірнеше рет қатысты. Биыл «Оңтүстік» өңірлік қолбасшылығының әскери қызметшілері жоғары дайындық деңгейін көрсетіп, Пәкістан Ислам Республикасында өткен халықаралық жарыстың жеңімпаздары атанды.
- Сұхбатыңызға рақмет!
