Құрманғалиев WTT YOUTH STAR CONTENDER TUNIS турнирінің қола жүлдесін иеленді

АСТАНА. KAZINFORM - Қазақстандық спортшы Алан Құрманғалиев үстел теннисінен Тунистегі WTT Youth Contender Tunis халықаралық турнирін сәтті ақтады.

Алан Құрманғалиев
Фото: olympic.kz

Отандасымыз 19 жасқа дейінгі спортшылар арасындағы жарыста ел намысын қорғады. Нәтижесінде Алан Құрманғалиев турнирді қола жүлдемен аяқтады.

Алан турнир барысында Италия өкілі Данило Фасоны 3:0, польшалық Рафаэль Формеланы 3:1, Ян Мругалды 3:0, чехиялық Степан Брельді 3:1 және Бельгия спортшысы Том Клоссетті 3:1 есебімен жеңді.

Алайда, жартылай финалда ол румыниялық Юлиан Чиритуден 0:3 есебімен жеңіліп, қола жүлдені қанағат тұтты. 

Еске сала кетейік, бұған дейін Құрманғалиевтің WTT Youth Contender турнирінің 1/8 финалына шыққанын хабарлаған едік. 

Соңғы жаңалықтар