Құрманғазы атындағы Ұлттық өнер консерваториясының студенттері ардагерлерге арнап концерт берді
деп хабарлайды ҚазАқпарат.
Қазкоммерцбанк пен Алмалы ауданының әкімдігі, Ұлттық консерватория ұжымы бірлесіп ұйымдастырған мерекелік концертті 300-ге жуық ардагер тамашалады. Шара барысында консерватория студенттері Ұлы Отан соғысы туралы спектакль қойып, майдан әндерін шырқады. Түрлі ұлттардың билерін билеп, кеш соңында ардагерлер қауымына азық-түлік салынған сыйқалталар сыйға тартылды. Шара барысында әдемі кеш әсер еткен ардагерлердің өздері де сахнаға шығып, өлең оқыды. Алмалы ауданы әкімінің орынбасары Надежда Яковлеваның айтуынша, 2 сағаттық концерттің басты мақсаты ардагерлер қауымына жақсы көңіл-күй сыйлау. «Ертеңгі мереке бүкіл әлем үшін ең айтулы күндердің бірі. Сондықтан оны жақсы көңіл-күймен қарсы алу, ардагерлерді құрметтеу парыз», дейді ол.