Күзетші робот кішкентай баланы басып кетті

АСТАНА. ҚазАқпарат - АҚШ-тың Стэнфордтағы сауда орталығында күзетші робот 16 айлық баланы қағып құлатып, үстінен өтіп кеткен, деп хабарлайды nplus1.ru.

Баланың ата-анасына айтуынша, бойы 1,5 метр, салмағы 136 келі робот баланың сол аяғын басып кетіп, сызып кеткен ізі қалып қойған. Робот бойы аласа баланы байқамаған болып шықты. 

K5 кұзетші роботын Knightscope компаниясы жасаған. Ол бейне камерасы, лазерлік қашықтықты өлшеуіш, радар, микрофон және жылы сезгіз құралмен жабдықталған. K5 ғимаратты өзі күзетуге қабілетті, сезікті бірдеңе болса көмек шақырады.