Қылмыскерлер әрекетінен зардап шеккендер туралы ақпаратты ұсыну үшін тікелей желі ұйымдастырылады
НҰР-СҰЛТАН. ҚазАқпарат - Қасым-Жомарт Тоқаев қылмыстық топтардың іс-әрекеттері салдарынан зардап шеккендер мен із-түзсіз жоғалып кеткендер туралы ақпаратты халыққа ұсыну үшін 1414 call-орталығының базасында тікелей желі ұйымдастыруды тапсырды.
Атап айтқанда, Мемлекет басшысы Цифрлық даму, инновациялар және аэроғарыш өнеркәсібі министрлігіне Ішкі істер министрлігімен бірлесіп, қылмыстық топтардың іс-әрекеттері салдарынан зардап шеккендер мен із-түзсіз жоғалып кеткендер туралы ақпаратты халыққа ұсыну үшін 1414 call-орталығының базасында тікелей желі ұйымдастыруды тапсырды. Бұл туралы Ақорданың сайтында хабарланды.
Бұған дейін Президент Үкіметке бірқатар шұғыл тапсырма бергенін хабарлаған болатынбыз.
