Қырғызстан Президенті сырқатын жеңе алғандығын айтты
АСТАНА. ҚазАқпарат - Қырғызстан Президенті Алмазбек Атамбаев отандастарына үндеу жолдап, сырқатын жеңе алғандығын мәлім етті.
Бұл туралы қырғыз елі басшысының сайтында хабарланды.
«Құрметті отандастар! Күтпеген жерден жүрек талмасына шалдығуыма байланысты тап болған қиын жағдай кезінде маған және жақындарыма білдірген қолдауларыңызға алғыс айтамын. Мұндай күндері кез келген қолдау сөздер, дұғалар мен шынайы алаңдаушылық ерекше қымбат. Сіздер сырқатты жеңуіме ұмтылыс пен күш бердіңіздер!
1 қазан күні Қырғызстан Президенті Мәскеу ауруханасынан шығарылғаны және оның Бішкекке келгендігі мәлім болды.
