Қырғызстан Сыртқы істер министрлігі «Манас» базасының жабылатындығы туралы АҚШ-ты ресми хабардар етті
БІШКЕК. Ақпанның 21-і. ҚазАқпарат - Қырғызстанның Сыртқы істер министрлігі «Манас» авиабазасы бойынша келісімнің күші тоқтатылатыны туралы АҚШ тарабын ресми хабардар етті.
«Келісім шарттарына сәйкес, америка тарабы Қырғыз Республикасының ресми ескертпесін алған күннен бастап 180 күннің ішінде база жабылады»,- деп атап көрсетті елдің сыртқы саясат ведомствосы. Базаның жабылуы туралы нота кеше, ақпанның 20-сы күні АҚШ-тың Қырғызстандағы елшісіне табыс етілді, деп хабарлайды ҚазАқпарат РИА «Новости» агенттігіне сілтеме жасап.
