Қырғызстанда апатқа ұшыраған Boeing жеке компанияға тиесілі болған
АСТАНА. ҚазАқпарат - Қырғызстанда құлаған ұшақтың Turkish Airlines компаниясына қатысы жоқ, ол жеке түрік компаниясына тиесілі болған, деп хабарлады РИА Новости РФ-дағы Түркия елшілігінің баспасөз істері бойынша кеңесшісі Орхан Газигилге сілтеме жасап.
«Біз алған ақпаратқа сәйкес жүк ұшағының Түрік авиажелілеріне қатысы жоқ, ұшақ түрік жеке компанияларының біріне тиесілі болған», - деді Газигиль.
16 қаңтарда сағат таңғы 7.31-де Бішкектің Дача-Суу ауылында, әуежайға жақын жерде Гонконгтен Түркияға бет алған Boeing 747-400 жүк ұшағы құлады. Авиалайнер «Манас» әуежайынан май құюды жоспарлаған. 23 үй қирап, 37 адам қайтыс болды.
