Қырғызстанда астана күні мерекесіне орай велошеру өтті (ФОТО)

БІШКЕК. ҚазАқпарат - Бішкек күні мерекесіне орай Қырғызстан астанасында қала мэрі Қубанычбек Қулматовтың қатысуымен велошеру өтті.

«Ала-Тоо» бас алаңынан басталған велошеруге салауатты өмір салтын ұстанатын барша ниеттілер қатысты.

Ауа райының жаңбырлы болғанына қарамастан шараға 300-дей адам қатысты.

Велошеруді дәстүрлі түрде Бішкек әкімдігінің қолдауымен «Ретро FM» радиостанциясы ұйымдастырды.