Қырғызстанда бір тәулікте 192 адам коронавирус жұқтырды
БІШКЕК. КАБАР-ҚазАқпарат – Қырғызстанда бүгін COVID-19 жұқтырған 192 жаңа жағдай тіркелді. Бұл туралы ҚазАқпарат Кабар агенттігіне сілтеме жасап хабарлайды.
Қырғыз бас санитар дәрігері, денсаулық сақтау министрінің орынбасары Нұрболот Үсенбаев, айтуынша бір тәулікте 13 медицина қызметкерінен COVID-19 анықталған.
«Соңғы тәулікте 1 медицина қызметкері жазылып стационардан шығарылды. Жалпы алғанда 546 медицина қызметкері COVID-19 жұқтырған, олардың 382-сі сауығып шықты», - деді Н.Үсенбаев.
Қырғызстанда 20 маусымда COVID-19 жұқтырған 192 жаңа жағдай тіркелді. Елде ауруға шалдыққандар саны – 2981. Ауруханадан 1981 науқас емделіп шықты. 35 адам коронавирустан көз жұмды.
