Қырғызстанда екі рет жер сілкінді, жерасты дүмпулері Алматыда байқалды
ТАНА. 29 қазан. ҚазАқпарат - Жұма күні Қырғызстан республикасының аумағында екі рет жер сілкінді, жер асты дүмпулері Алматы қаласында байқалды. Бұл туралы ҚР Төтенше жағдайлар министрлігінен хабарлады.
Таратылған ақпаратқа сүйенсек, 28 қазанда сағат 19.47-де Қырғызстан аумағында жер сілкінді. 12,5 энергетикалық санаттағы зілзаланың кіндігі Алматы қаласынан оңтүстікке қарай 145 шақырым жерде орналасты. Жер асты дүмпулері MSK-64 бағаны бойынша 3-4 баллдық қуатпен Алматы қаласында сезілді.
Осы күні бірнеше сағат өткеннен кейін, нақты айтқанда, 22.12-де Қырғызстанда жер сілкінісі қайта қайталанды. 11,0 энергетикалық санаттағы зілзаланың ошағы бұл жолы Алматы қаласынан оңтүстікке қарай 147 шақырым жерде орналасты. MSK-64 бағаны бойынша 2-3 баллдық қуатпен шайқаған жерасты дүмпулерін алматылықтар тағы бір мәрте сезінді.
ҚР ТЖМ-нан анықтағандай, жер сілкіністерінен кейін құрбандар мен қираулар туралы ақпараттар түскен жоқ.
