Қырғызстанда электр энергиясына баға көтерілді
АСТАНА. ҚазАқпарат - Қырғыз елінің билік көздері республикада электр энергиясының тарифтерін өсірді. Бұл туралы осы елдің Энергетика және өнеркәсіп министрлігінен хабарлады, деп жазады ТАСС.
«Бір айда сағатына 700 кВт-тан артық пайдаланбайтын абоненттер үшін тарифтер 10 пайызға - 0,7 сомнан (шамамен 0,01 доллар) 0,77 сомға дейін көбейтілмек. Одан асырып пайдаланушылар 1 тамыздан бастап сағатына 1 кВт үшін 2,16 сом (0,03 доллар) төлейтін болады», - деп мәлімдеді ведомстводан.
Энергетика министрлігінде атап өткендей, қыс мезгілі 2-3 айға ұзақ болатын таудың жоғары аудандарында қазан айынан мамырға дейін электр энергиясын пайдалану лимиті жеңілдікпен есептеу бойынша айына 1 мың кВт/сағ құрайды.
Бұған дейін Қырғызстанның жылу-энергетикалық кешенін реттеу мемлекеттік департаменті ағымдағы жылдың 1 маусымынан бастап электр жарығының тарифтерін 20 пайызға өсіруді жоспарлап отырған. Алайда сол кезде бұл жағдайға республика президенті Алмазбек Атамбаев араласып, энергетиктерді бағаларды күрт өсіруден бас тартып, бұл процесті кезең-кезеңмен жүргізуге шақырды.
