Қырғызстанда карате-додан Орталық Азия чемпионаты басталды

АЛМАТЫ. 9 шілде. ҚазАқпарат - Бүгін Қырғызстанның Ыстық көл облсындағы «Ақ-Марал» демалыс орталығы базасында карате-додан кадеттер, жастар және ересектер арасында Орталық Азия чемпионаты басталды.

Оған Қазақстан, Қырғызстан, Өзбекстан, Тәжікстан елдерінен 200-ге жуық спортшы қатысуда. Олардың 63-і жарыс қожайындарының өкілдері. Екі күндік бұл додада кумитэ мен катадан 16 медальдар топтамасы сарапқа салынбақ. Бұл жарыс ұлттық құрама бапкерлері үшін қазан айында Астана қаласында өтетін Азия кубогына қатысушыларды іріктейтін басты сынақ болмақ.