Қырғызстанда қуаты 4 балдық жер сілкінісі тіркелді

АСТАНА. ҚазАқпарат - Қырғызстанда күші 4 балға жеткен жер сілкінісі тіркелді. Бұл туралы КирТАГ хабарлады.

2015 жылы 29 тамызда жергілікті уақытпен таңғы сағат 5:02 Қырғызстан Республикасының ҰҒА сейсмология институтының стансасы MSK-64 12-балдық шкаласы (магнитуда Mpv=4,4, энергетикалық класс K=10,3) бойынша ошағындағы күші 4-4,5 балға жеткен жер сілкінісін тіркеді.

Алдын ала болжам бойынша, зілзала ошағы Қырғызстан аумағы Ферғана жотасында, Карл Маркс ауылынан оңтүстік-батысқа қарай 15 км, Канджыга ауылынан солтүстік-шығысқа қарай 18 км, Таралча ауылынан шығысқа қарай 20 км, Атай ауылынан оңтүстік-батысқа қарай 20 км жерде орналасқан.

Алдын ала мәліметтер бойынша жапа шеккендер жоқ.