Қырғызстанда құжатсыз жүрген 6 қазақстандық ұсталды

БІШКЕК. ҚазАқпарат - Ыстықкөл облысы Түп ауданы Сары-Бұлақ елді мекенінде шекара режимін бұзғаны үшін Қырғызстан шекарашылары Қазақстан Республикасының алты азаматын ұстады.

Ұсталған азаматтарда шекара аймағында жүру құқығын беретін құжаттар болмады, деп хабарлады Қырғызстан Мемлекеттік шекара қызметінің баспасөз қызметінен.

Қырғызстанның Әкімшілік Кодексінің 389-бабына сәйкес шекара режимін бұзғандар әкімшілік жауапкершілікке тартылды.