Қырғызстанда парламенттік сайлаудың ресми қорытындысы жария етілді
БІШКЕК. 1 қараша. ҚазАқпарат /Арнұр Рахымбеков/ - Бүгін Бішкекте Орталық сайлау комиссиясы 10 қазан күні өткен парламенттік сайлаудың ресми қорытындысын жария етті. Соған сәйкес, бес пайыздық айырмашылықпен парламентке өтетін бес партия анықталды.
Қорытындысында, Қырғызстан Орталық сайлау комиссиясының мәліметтері бойынша, Жогорку Кенештегі орындар бұлайша бөлінді: «Ата-Жұрт» партиясы - 28 орын, Қырғызстанның социал-демократиялық партиясы - 26, «Ар-Намыс» партиясы - 25, «Республика» - 23, «Ата-Мекен» партиясы 18 орын. Қырғызстанның жаңа конституциясына сәйкес, алдағы уақытта ел президенті Роза Отынбаева партия көшбасшыларына коалициялық үкімет құруды тапсыруы керек.
