Қырғызстанда салмағы 7 келі алып нәресте дүниеге келді
АСТАНА. ҚазАқпарат - Жалалабадта салмағы 7 келілік нәресте дүниеге келді. Бұл туралы КирТАГ-қа Жалалабад облыстық клиникалық ауруханасы стационарының меңгерушісі міндетін атқарушы Маржан Сұлтанова хабарлаған.
«18 тамызда 19:00-де перзентханаға 33 жастағы Айсалқын Пазылбаева түсті. Келесі күні таңғы 7-де ол кесар тілігі жолымен салмағы 7 келі ер баланы дүниеге әкелді. Қазір анасының жағдайы қалыпты, бүгін олар жансақтау бөлімінен палатаға ауыстырылды. Бала да анасымен бірге палатада», - деп хабарлады Сұлтанова.
