Қырғызстанда тұраққа дұрыс қойылмаған көліктерді эвакуациялау туралы заң қабылданды
БІШКЕК. ҚазАқпарат - Қырғызстан президенті Алмазбек Атамбаев рұқсат етілмеген жерлерде тұраққа қойылған көлік құралдарын эвакуациялауға рұқсат беретін заңға қол қойды. Бұл туралы бүгін Қырғыз мемлекеті басшысының баспасөз қызметінен хабарлады.
Заң жобасы жол қозғалысы қауіпсіздігін қамтамасыз ету, көше-жол желісінің өткізуші қабілетін арттыру, тәртіпті ныға йту және ҚР-дың әкімшілік жауапкершілік туралы кодексіндегі кемшіліктерді жоюға бағытталған. Оған жаңа 568-бап (көлік құралын мәжбүрлі эвакуациялау) енгізіліп отыр.
Бішкек қалалық ІІБ патрульдік полиция басқармасы өкілдерінің айтуынша, қалада қызмет ететін эвакуаторлардың саны мен оған қандай фирма тартылатыны туралы соңғы шешім әлі қабылданбаған.
Заң ресми жарияланған күнінен он күн өткен соң күшіне енеді.
