Қырғызстанда «Википедия апталығы» өтеді
БІШКЕК. 28 наурыз. ҚазАқпарат /Арнұр Рахымбеков/ - Бүгін Қырғызстанда Википедия апталығы басталды, аталмыш апталық 2011 жылғы 1 сәуірге дейін жалғасын таппақ.
Апталықтың алғашқы күні Баласағұн атындағы Қырғызстан ұлттық университетінің компьютерлік технологиялар факультетінің базасында басталады. Бұл бастаманың мақсаты - жастар мен ғылыми топтар арқылы «Wikipedia» виртуалды энциклопедиясының Қырғызстан елінде алға басуы мен кең таралуына жол ашу.
Іс-шара «Сорос-Қырғызстан» қоры ақпараттық бағдарламасының қолдауымен ұйымдастырылды.
