Қырғызстанда жаңа премьер-министр мен үкімет құрамы сайланды
БІШКЕК. ҚазАқпарат - Жогорку Кенеш депутаттары елдің премьер-министрін, бағдарламалар жобаларын, елдің министрлер кабинетінің құрамын бекітті.
Жаңа премьер-министр болып Сооронбай Жээенбеков сайланды.
Ашық түрде дауыс беру кезінде тіркелген 115 депутаттың 113-і үкіметтің бағдарламалары үшін дауыс берсе, 2-еуі қарсы шықты.
Парламент құрылымы үшін - 115 дауыс;
Жаңа кабинет құрамы үшін - 115 дауыс.
Анықтама: Жээнбеков Сооронбай Шәріпұлы 1958 жылы 16 қарашада Ош облысы Кара-Кульджин ауданы Тельман ауылында туған. Білімі жоғары. 1983 ж.- К.И.Скрябин атындағы Қырғыз ауыл шаруашылығы институтын зооинженер мамандығы бойынша аяқтады. 2012 жылдан бастап қазіргі уақытқа дейін Қырғыз Республикасы Үкіметінің Ош облысындағы Уәкілетті өкілі болды.
