Қырғызстандық әйел ұшақтың бортында босанды
АСТАНА. ҚазАқпарат - Қырғызстандық әйел ұшақтың бортында ұл баланы өмірге әкелді. Бұл туралы «Манас» әуежайының баспасөз қызметі мәлім етті, деп хабарлайды ҚазАқпарат «Кабар» агенттігіне сілтеме жасап.
Оның дерегі бойынша, 7 шілдеде «Уральские авиалиний» әуе компаниясының ұшағы «Ош - Екатеринбург» бағыты бойынша рейс жасаған.
«Ұшақ аспанға көтерілгеннен кейін жолаушылардың бірінің толғағы басталды. Бортсеріктер бригадасы шұғыл әрекет етіп, әйелді әуе кемесінде босандырып алды. Бәрі сәтті өтті», - делінген хабарламада.
Ұшақтың экипажы Ошқа қайта оралғаны аталып өтілген. «Ош» әуежайында жаңа босанған әйел мен сәбиді жедел жәрдем күтіп алып, оларды перзентханаға жеткізген.
