Қырғызстандық «тасшайнар» тісімен 30 жеңіл көлікті сүйремек

АЛМАТЫ. 4 тамыз. ҚазАқпарат -  Бүгін Бішкекте кешкі 19:00-де 36 жастағы қырғыз алыбы Нұрлан Әлішеров «Ала-Тоо» алаңында өзінің мықты тістерімен кір тастарымен және зілбалғалармен «ойнайтын» болады.

Онда «тасшайнар» атанып кеткен көптеген әлемдік рекордтарды орнатушы тісімен 30 жеңіл көлікті сүйрегелі отыр. Бұл оның «Ало-Тоо»  алаңындағы алғашқы көрсетілімі емес. Былтыр ол тісімен 12 тонналық автобусты 33 метр жерге сүйреп, 1 минутта тақтайға қағылған 20 шегені суырып, 1 минут 33 секундта 50 грек жаңғағын шағып,  орындықта отырған адамды 120 метр жерге алып барған болатын.

Биыл ол  тамыздың алғашқы жексенбісінде өз шәкірттерімен Ыстық көл жағасында өнер көрсеткен. Ал 8 тамызда Шолпан ата қаласының әуежайында тісімен 11 тонналық «Ми-8» тікұшағын 5 метрге сүйреді. Сондай-ақ тісімен 255 аттық күші бар скутерді 2 минут бойы ұстап тұрып, әлемдік жаңа рекордқа қол жеткізді.  Бір бүйрегі жоқ 3-топтағы мүгедек бұл жігіт былтыр 29 қарашада «Манас» әуежайында 24 тонналық Ан-24 ұшағын 4 метрге, 37 тонналық Ту-134 ұшағын 20 см. жерге сүйреп жұртты қайран қалдырған.