Қырғызстаннан шекара арқылы 10 жылқыны айдап өтпек болғандардың жолы кесілді

АСТАНА. ҚазАқпарат - Тараз шекара отрядының «Гранитогорск» уақытша бекетінің шекарашылары белгісіз адамдардың Қырғыз Республикасынан біздің елімізге қарай 10 жылқыны өткізбек болған әрекеттерінің жолын кесті, деп хабарлайды ҚР ҰҚК шекара қызметінің баспасөз қызметінен.

Мемлекеттік шекараның жүріп-тұру қиын ауданында - таулы жерде жүріп шекарашыларды байқап қалған белгісіз адамдар Қырғызстан аумағына қарай қашып бой тасалады. Жылқылар уақытша бекеттің аумағында тұр. Аталған дерек бойынша тиісті іс-шаралар атқарылуда.