Қырғызстанның оңтүстігіндегі балаларға психологиялық көмек көрсетілуде
БІШКЕК-ОШ. 10 қараша. ҚазАқпарат /Арнұр Рахымбеков/ - Ағымдағы жылдың қазан айынан бері Қырғызстанның Ош қаласында республиканың оңтүстігінде тұратын әлеуметтік аз қамтылған отбасыларға
психологиялық-әлеуметтік көмек көрсету мақсатында жұмыс істейтін «SOS - Қырғызстанның балалар ауылдары» атты жоба өз жұмысын бастады.
Жоба үйлестірушісі Айжамал Сартаева жобаның тікелей мақсаты маусым айында орын алған оқиғалардан зардап шеккен баларға көмектесу болып табылатындығын атап өтті.
Жоба өкілі психологиялық көмек тек балаларға ғана емес, олардың ата-аналарына да көрсетілетіндігіне тоқталды. Психолог дәрігерлердің кеңес беруі жоба аясында ашылған арнайы бөлмелерде өтеді.
