Қырғызстанның Ош қаласында төтенше жағдай енгізілді
АСТАНА. Маусымның 11-і. ҚазАқпарат - Қырғызстанның Уақытша үкіметі республиканың оңтүстік астанасы Ош қаласында төтенше жағдай енгізу туралы шешім қабылдады,
деп хабарлайды РИА жаңалықтар агенттігі.
«Қазір уақытша үкіметтің Ош қаласындағы тәртіпсіздіктерге қатысты шұғыл отырыстары өтіп жатыр. Ол жерге төтенше жағдай енгізу туралы шешім қабылданды, әскери комендант болып ІІМ басшысының бірінші орынбасары Бақытбек Әлімбеков тағайындалды», деп хабарлады уақытша үкіметтің ақпараттық орталығының басшысы Фарид Ниязов.
