Қырғызстанның Шекара қызметі елдің экс-премьерін ұстады
АСТАНА. Тамыздың 11-і. ҚазАқпарат - Қырғызстанның Шекара қызметі елдің бұрынғы премьер-министрі Игорь Чудиновты ұстады. Бұл туралы «Кабар» агенттігіне Мемлекеттік Ұлттық қауіпсіздік қызметінен хабарлаған.
Ұлттық қауіпсіздік қызметінің баспасөз қызметінің ақпараты бойынша, Чудиновтің үстінен қозғалған қылмыстық іс Қырғызстаның Бас прокуратурасына берілген. Бұрынғы премьердің ұсталуына қатысты оқиғаның басқа мән-жайы туралы әзірге ештеңе айтылмай отыр, деп хабарлайды РБК агенттігі.
