Қыркүйекте күн жылы болады – синоптиктер
НҰР-СҰЛТАН. ҚазАқпарат – «Қазгидромет» РМК директоры Данара Әлімбаева алдағы қыркүйек айында елімізде күн жылы болатынын мәлім етті, деп хабарлайды ҚазАқпарат тілшісі.
«Алдын ала жасалған болжамға сәйкес, елімізде қыркүйекте күн жылы болады. Еліміздің басым бөлігінде, Қазақстанның солтүстігінде, батыста, оңтүстік-батыста жауын-шашын қалыптан аз болатыны күтілуде. Қыркүйекке қатысты толыққанды болжам 15 тамызда жарияланады», - деді Данара Әлімбаева ОКҚ-да өткен баспасөз мәслихатында.
Еске сала кетсек бұған дейін Данара Әлімбаева алдағы демалыс күндері ауа райы қандай болатынына қатысты болжамымен бөліскен болатын. Сондай-ақ ол тамыз айының ауа райы болжамын жариялады.
